Gazetari dhe analisti i njohur Baton Haxhiu u paraqit paraditen e sotme në SPAK ku ka qëndruar për 2 orë me radhë. Pas daljes nga ambientet e Prokurorisë së Posaçme, Haxhiu ka deklaruar për gazetarët se nuk ka qenë i thirrur për të dëshmuar, por u paraqit për të intervistuar një hetues. Kujtojmë se Haxhiu është i njohur për mbështetjen e tij dhe marrëdhënien e mirë me kryeministrin Rama, ndërkohë që është ‘akuzuar’ se media që ai ka në pronësi ka marrë para nga inceneratorët.
“Isha për të intervistuar një prej hetuesve për një lajm. Kaq mund të them. Ju thashë që kam hyrë për intervistim. Nuk kisha fletë-thirrje. Kjo nuk ka lidhje me fletë-thirrje”, deklaroi Haxhiu përpara gazetarëve.
