Dita e sotme ka qenë e tensionuar pas shumë fjalimeve e deklaratave me tone të ashpra nga foltorja e Kuvendit për presidentin Meta.
Akuzat e kryeministrit Rama dhe të ministres Spiropali kanë qenë të rënda, por ai që ka bërë një tjetër deklaratë të fortë ka qenë Pandeli Majko.
Ministri për Diasporën, ka thënë në fjalën e tij se zhvillimi i zgjedhjeve pa opozitën do të konsideroheshin si jo normale dhe Partia Socialiste do të degradohej. Sipas Majkos kërkesat e opozitës janë të kërkosh pushtet në tavolinë me anë të qeverisë tranzitore.
E ndërkohë pak minuta më parë në një deklaratë para mediave, ka qenë vetë Basha ai që ka thënë se deklaratat e Ramës për Metën janë vetëm një skenar për të larguar vëmendjen e publikut.
“Opozita kushtëzon negociatat politike me largimin e PS nga qeveria, dhe ngritjen e një qeveri tranzitore, por kuptimi i qeverisë tranzitore është dorëzimi i pushtetit në tavolinë. Aktualisht protestat e opozitës jashtë parlamentare është e një pale politike që do vetëm çfarë nuk do. Kriza politike nga bojkoti i zgjedhjeve parlamentare po zhvendoset në të qenë politike në krizë të sistemit. Shqipëria rrezon të bjerë në informalitet legal në mungesë të zgjedhjeve, teknikisht zgjedhjet pa opozitën nuk mund të konsiderohen normale dhe ne rrezikojmë degradim në regjim” tha Majko.
Duhet përmendur gjithashtu se deputetët socialistë sot janë parë të stepur në sallën e Kuvendit nga kërkesa e tyre për shkarkimin e Metës. Ata deklaruan me radhë nga foltorja se Meta kishte shkelur Kushtetutën, ku i kanë kërkuar të reflektojë sërish në lidhje me vendimin e marrë.
