Plagosi me thikë gruan, zbardhet dëshmia e Aleko Myrtollarit: Ajo nuk donte të punonte!

Para 2 ditësh një ngjarje e rëndë u regjistrua në Korçë ku burri plagosi bashkëshorten e tij me thikë.  Teksa u vetëdorëzua një natë më parë në polici, Aleko Myrtollari ka dhënë dëshminë e tij para uniformave blu.  Gjatë marrjes në pyetje nga policia, autori i krimit, ka deklaruar se konflikti me bashkëshorten e tij Marjola, ka ndodhur për shkak se kjo e fundit nuk ka dashur të punojë.

Sipas tij, ai i kërkuar që të nisë një punë, ndërsa bashkëshortja i ka thënë që nuk ka dashur, dhe i ka kërkuar të punojë vetëm Aleko për të mbajtur fëmijët dhe familjen.

Sipas tij, kjo ka qenë arsyeja që konflikti ka agravuar dhe ka përfunduar në plagosjen e rëndë të 38-vjeçares, e cila vijon të jetë në gjendje të rëndë shëndetësore në spitalin e Traumës.   Autori Aleko Myrtollari, sipas të dhënave i është shmangur policisë për 2 ditë rrjesht prej së shtunës kur ndodhi ngjarja, ndërsa ditën e djeshme është dorëzuar në polici, pasi ka parë që nuk ka mundur të fshihet më për një kohë të gjatë. Lëvizjet e vetme të autorit kanë qenë në fshatrat e të afërmve të tij.

Madje bëhet me dije se kanë qenë familjarët e tij që e kanë bindur të dorëzohet.