Emigrimi masiv i të rinjve drejt vendeve të tjera është tashmë në një fenomen aktual shqetësues që tregon nivelin e mirëqenies në vendin tonë dhe po ashtu është indikator i cilësisë së qeverisjes. Ndërkohë që nënkryetari i Partisë së Lirisë, Petrit Vasili ka reaguar për shifrat e fundit të INSTAT, të publikuara nga Monitor për largimin e të rinjve. Petrit Vasili e cilëson emigrimin masiv të të rinjve si një dramë atdhevrasëse. Gjithashtu, ndër të tjera Vasili deklaron se ekzistenca dhe identiteti ynë janë në një rrezik të jashtëzakonshëm, teksa qeveria nuk ka asnjë zgjidhje, asnjë ide apo shpresë kjo gjendje alamante të ndalet.
POSTIMI I PLOTË
Kjo është drama atdhevrasëse!
Dyzet mijë të rinj deri në moshën 29 vjeç largohen vetëm në një vit!
Rinia pra forca aktive largohet masivisht, Shqipëria njerëzore mpaket e plaket përditë, ekzistenca dhe identiteti ynë janë në një rrezik të jashtëzakonshëm.
Nga qeveria asnjë zgjidhje, asnjë ide, asnjë projekt madhor, asnjë shpresë, që kjo të ndalet.
Nga qeveria vetëm lajme të hidhura, grabitje e pandalshme, pabarazi përpara ligjit dhe përçmim e përbuzje ndaj njerëzve të thjeshtë.
Mendoni pra se sa e ligë dhe sa atdhevrasëse është propaganda e qeverisë dhe e gjithë atyre, që i mbajnë ison përpara kësaj drame të pandalshme.
