Rasti i Drenasit ku një mësues dhe një polic kanë përdhunuar një 16-vjeçare ka qenë padyshim një nga ngjarjet më të bujshme dhe kjo për shkak të përfshirjes dy punonjëve të dy nga institucinet më të rëndësishme.
Megjithatë sot kemi mbërritur para faktit që ish-polici hetues, Vesel Veseli dhe profesori Shkëlzen Xh.janë liruar nga burgu përkohësisht.
Ka qenë kryeprokurori i Prokurorisë Themelore në Prishtinë, Imer Beka ai që ka lajmëruar ndryshimin e masës së sigurisë nga “arrest me burg” në “arrest shtëpie”.
“Sot prokurori i rastit ka bërë kërkesën për ndryshim të masës, arrest shtëpiak”, është shprehur Beka.
Po cili ka qenë rasti?
Një vajzë nga Drenasi i Kosovës me iniciale A.G, dyshohet se është përdhunuar fillimisht nga mësuesi dhe kur ka shkuar të bëjë denoncimin për këtë të fundit, është përdhunuar edhe nga polici hetues që mori përsipër çështjen.
Ish-polici hetues Vesel Veseli është shkakruar dhe arrestuar pasi vajza deklaroi se ka qenë shtatzanë dhe ai e kishte detyruar që të abortonte.
