Pastruesja Rozeta Dobi e ka kryer aktin e vjedhjes jo vetëm në shtëpinë e ish-zyrtares Alda Klosi. Viktimë e akteve të saj ka rënë edhe eksperti i kriminalistikës Ervin Karamuço, i cili për “Ballkan Web” deklaron se Rozeta ka punuar në shtëpinë e tij për rreth 6 muaj.
Por pas një periudhe kohore, Karamuço shprehet se u evidentua që unaza e tij e martesës mungonte në shtëpi, pra praktikisht ishte vjedhur. Si pasojë është bërë një denoncim në polici, ku së fundmi unaza është gjetur dhe është identifikuar nga dedikimi që ka pasur në të “Ervinit me dashuri”.
“Pastruesja ka ardhur rreth 6 muaj në shtëpinë tonë, por jo rregullisht. Pas një periudhe kohe vumë re që unaza e martesës nuk ndodhej në shtëpi, ishte vjedhur. Kam bërë denoncim në polici dhe së fundmi jemi kontaktuar që unaza është vjedhur. Sendin e kemi njohur sepse ka një dedikim “Ervinit me dashuri”, tha Karamuço për Balkan Web.
Kujtojmë që Rozeta Dobi aktualisht ndodhet në qeli së bashku me djalin e saj Havier Dobi. Ditën e djeshme Gjykata dha vendimin “Arrest me burg”, teksa akuzohen se kanë vjedhur rreth 700 mijë euro, një pjesë e të cilave u gjetën të fshehura në tubin e aspiratorit në shtëpi.
Në fakt, kanë qenë vetë dy autorët e vjedhjeve, Rozeta dhe Havier që i kanë dhënë indicie policisë, duke thënë që fatmirësisht policia nuk ka gjetur të gjithë shumën e parave që ata zotëronin si pasojë e vjedhjeve të kryera në banesa të ndryshme.
