Pas mbylljes së seancës plenare në Kuvend, studentët kanë marshuar drejt Kryeministrisë. Pasi kanë diskutuar me njëri-tjetrin, studentët kanë vendosur ta zhvendosin protestën dhe do vazhdojnë të jenë më të bashkuar se kurrë, pavarësisht zërave për përҫarje.
“Kjo nuk është përçarje, do jemi të gjithë bashkë. Vendimi u mor shumë spontanisht, nuk ka përçarje mes studenteve. Do kthehemi nga Kryeministria”,- u shprehën studentët.
Disa të tjerë thane që do qëndrojnë gjithë natën duke protestuar nëse është e nevojshme. Ata thane që janë të vendosur të vijojnë protestën deri në një orë të pacaktuar.
Studentët kanë rrethuar godinën e Kryeministrisë, duke vazhduar me thirrjen: “Studentët e bashkuar, kanë për të fituar!”
