Teksa disa ndodhemi disa orë para vititi të ri 2023, vendi ynë është përfshirë nga flakët si pasojë e disa ngjarjeve të paprecedenta.
Disa automjete luksoze janë djegur në një sallon tregtimi me mjete në Elbasan. Kapanoni ku mbaheshin automjetet për shitje ishte i mbikqyrur nga kamera dhe me sistem alarmi të cilin autorët dyshohet se e kishin çaktivizuar para se t’i vinin zjarrin objektit.
Ndërkohë, zjarrfikësja ka ndërhyrë shpejt duke evitur disi pasojat e zjarrit. Ndërkohë, policia ka dokumentuar ngjarjen si dhe ka marrë pamje të kamerave të mjaft bizneseve të zonës ku dyshohet se kanë qarkulluar autorët e zjarrvënies.
Një tjetër mjeti i është vënë flaka gjatë mesnatës pranë zonës së Lungomares në orën 04:00.
Një automjet ka shpërthyer në flakë gjatë natës në lagjen “Pavarsia 2” në Vlorë.
Policia bën me dije se në një automjet të parkuar, tip “Saab” në pronësi të shtetasit A. H, dyshohet se aksidentalisht si pasojë e një difekti teknik ka marrë Flakë. Si pasojë ka vetëm deme materiale.
Grupi hetimor ndodhet në vendngjarje dhe po punon për zbardhjen e plotë të ngjarjes.
Gjithashtu edhe një pallat është përfshirë nga flakët mëngjesin e sotëm në Rrugën e Elbasanit.
Sipas policisë, shkak është bërë paneli elektrik i pallatit. Edhe si pasojë kanë pasur probleme me frymëmarrjen një shtetase dhe një i mitur, të cilët kanë marrë ndihmën njekësore në spital dhe ndodhen jashtë rrezikut për jetën.
