Një ngjarje e rëndë ka ndodhur teksa lajmi raportohet nga mediat e huaja.
Një 24-vjeçare, anëtare e ekuipazhit të një prej avionëve të flotës së kompanisë “Air Albania”, besohet se ka ndërruar jetë pasi filloi të ndihej keq gjatë një fluturimi për në aeroportin Stansted. Shërbimi i Ambulancës NHS Trust konfirmoi se dy ambulanca, një automjet i ekipit të reagimit të zonës së rrezikshme, një automjet oficeri i ambulancës dhe Ambulanca ajrore Essex dhe Herts iu përgjigjën raportimeve se e reja u sëmur rëndë në bordin e avionit të nisur nga Tirana.
Media britanke bëri me dije se e avioni u ul rreth orës 13:00 të së mërkurës më 21 dhjetor siç ishte planifikuar, ndërsa shërbimi i ambulancës e dërgoi viktimën në spitalin Princess Alexandra në Harloë, por sipas tyre ajo nuk ka shpëtuar.
Media britanike që raportoi lajmin bën me dije se ka kontaktuar me “Air Albania” për detaje të mëtejshme, por nuk ka marrë përgjigje.
Air Albania është linja ajrore më e madhe shqiptare në vend. Ajo u themelua në vitin 2018 kur filloi operimin në Aeroportin Ndërkombëtar të Tiranës ‘Nene Tereza’. Linja ajrore operonte me shërbime ajrore për dhjetë destinacione nëpër Evropë për klientët e saj. Air Albania operohet nga një konsorcium midis Shqipërisë dhe qeverisë turke. Linja ajrore menaxhohet nëpërmjet një partneriteti privat-publik ku Turkish Airlines kontrollon 49.12%, dhe pjesa tjetër 50.88% tregtohet publikisht. Air Albania iu dha një Operator i Vendit të Tretë (TCO) nga Agjencia e Sigurisë së Aviacionit të Bashkimit Evropian (EASA) për të kryer fluturime ndërmjet Shqipërisë dhe Bashkimit Evropian.
