BE është detyruar të zvogëlojë planin e saj për racionimin e gazit këtë dimër në një përpjekje për të shmangur një krizë energjetike të krijuar nga shkurtimet e mëtejshme ruse.
Ndërkohë ka ardhur një reagim i fortë nga presidentja e Komisionit Europian, Ursula von Der Leyen.
Ajo është shprehu se BE duhet të përgatitet për më të keqen në furnizimet me gazin rus.
Gjithashtu presidentja e KE-së në një intervistë për gazetën spanjolle, El Mundo është shprehur se kjo krizë vjen si pasojë e ndërprerjes së plotë të gazit nga Rusia për 12 vende anëtare të BE.
“Meqenëse Rusia tashmë ka ndërprerë plotësisht ose pjesërisht furnizimin me gaz për 12 vende anëtare të BE-së, ne të gjithë duhet të përgatitemi për situatën më të keqe”, tha Von der Leyen për El Mundo, gazetë në gjuhën spanjolle.
Kujtojmë që ministrat e Energjisë nga 27 vendet anëtare, përveç Hungarisë, mbështetën një reduktim vullnetar prej 15%.
Vendet anëtare kanë rënë dakord dhe do të nisin së shpejti me zbatimin e planit.
Berlini është qyteti i parë që ka vendosur të fikë dritat e 200 monumenteve dhe ndërtesave historike gjatë natës nga e mërkura në të enjte, si pjesë e një përpjekjeje kombëtare për të kursyer energjinë.
Qyteti do të kursejë në përdorimin e energjisë së 1400 projektorëve të përdorur për të ndriçuar këto vende.
