Mbrëmjen e djeshme një grup të rinjsh morën peng një 17-vjeçar në Elbasan.
Policia ka arrestuar 4 persona të cilë morën peng 17 vjeçarin në Elbasan, pas një konflikti për motive të dobëta. Mësohet se pas përplasjes verbale, të rinjtë e kanë marrë adoleshentin në makinë ku e kanë mbajtur për disa minuta kundër dëshirës së tij.
Në pranga të policisë për veprën penale “Heqje e paligjshme e lirisë” e kryer në bashkëpunim, kanë rënë shtetasit :
Danjel Berati
Fabjan Goguja
Beqir Qytyku
Ergys Goguja
Njoftimi i Plotë:
Elbasan
I hoqën lirinë një shtetasi, duke e mbajtur për disa minuta në automjet, Policia identifikon dhe vë në pranga 4 autorët.
Mbrëmjen e djeshme, rreth orës 22:20, salla operative e DVP Elbasan ka marrë njoftim për një konflikt mes disa adoleshentëve, në afërsi të pallatit të sportit. Sipas njoftimit disa nga personat e përfshirë në konflikt kishin marrë në automjet, pa dëshirën e tij, një person tjetër të përshirë në konflikt.
Menjëherë pas marrjes së njoftimit, shërbimet e Policisë kanë shkuar në vendngjarje dhe falë veprimeve të shpejta hetimore dhe profesionale kanë bërë të mundur zbardhjen e rrethanave të ngjarjes dhe identifikimin e personave të përshirë në konflikt.
Në përfundim të veprimeve, u arrestuan në flagrancë shtetasit:
D. B., 20 vjeç, F. G., 19 vjeç, B. Q. 22 vjeç dhe E. G., 20 vjeç, banues në Elbasan.
Këta shtetas, pas një konflikti fizik për motive të dobëta, në bashkëpunim me njëri-tjetrin, kanë mbajtur me forcë në automjet, për disa minuta, një 17-vjeçar të përfshirë në konflikt.
Materialet hetimore i kaluan Prokurorisë pranë Gjykatës së Rrethit Gjyqësor Elbasan, për veprën penale “Heqja e paligjshme e lirisë”, e kryer në bashkëpunim.
