Ditën e sotme në Vlorë është regjistruar një aksident, ku motomjeti ka përplasur këmbësoren. Bëhet me dije se konkretisht në zonën e Lungomares, është përplasur gruaja 74-vjeçare, e cila ka mbetur e plagosur.
Ndërkohë po punohet për identifikimin dhe kapjen e drejtuesit, i cili ka braktisur motomjetin dhe është larguar nga vendngjarja.
Grupi hetimor po punon për zbardhjen e plotë të rrethanave të aksidentit.
“Vlorë/Informacion paraprak, Sot rreth orës 12:45, në lungomare, një motomjet ka aksidentuar këmbësoren shtetasen H. Sh., rreth 74 vjeçe, e cila ndodhet në spital, jashtë rrezikut për jetën. Po punohet për identifikimin dhe kapjen e drejtuesit, i cili ka braktisur motomjetin dhe është larguar nga vendngjarja. Grupi hetimor po punon për zbardhjen e plotë të rrethanave të aksidentit”, thuhet në njoftimin e Policisë së Shtetit.
Nga të dhënat zyrtare të Policisë Rrugore për 6-mujorin e parë rezulton se është rritur me 62% numri i gjobave të vëna për shkelje të Kodit Rrugor dhe me 110% vlera mesatare e një gjobe, krahasuar me të njëjtën periudhë të vitit të shkuar.
Kështu, nga 219 mijë gjoba vjet, këtë vit janë vënë 356 mijë gjoba për shkelje të Kodit Rrugor. Ndërsa vlera mesatare e një gjobe është rritur nga 1600 lekë (të reja) në 3360 lekë (të reja).
