Shqipëria vazhdon të mbajë ‘rekorde’ negative, ku së fundmi fokusi është tek nivelet alarmante të korrupsionit në sektorin publik.
Revista “Monitor”, ku rezultonte se “Shqiptarët dhe Rusët me përkeqësimin më të lartë të indeksit të korrupsionit më 2021”. Ndërkohë që ka ardhur një reagim nga presidenti në detyrë, Ilir Meta i cili shprehet se kjo ka ardhur si pasojë e mungesës së llogaridhënies në çdo nivel vendor dhe qendror, abuzimet me fondet publike nëpërmjet inceneratorëve, koncensioneve dhe PPP-ve, si dhe një drejtësi nën kontrollin e pushtetit.
Gjithashtu Meta thotë që nëse nuk merren masat e duhura parandaluese, Shqipëria mund të shkojë drejt faleminetimit.
Reagimi i Metës:
Një tjetër rekord i papranueshëm! Shqipëria rezulton vendi më i korruptuar në rajon dhe në Europë, duke lënë pas, sipas EUROSTAT, vetëm Rusinë.
Asnjë surprizë!
Mungesa e llogaridhënies në çdo nivel vendor dhe qendror, abuzimet me fondet publike nëpërmjet inceneratorëve, koncensioneve dhe PPP-ve, si dhe një drejtësi nën kontrollin e pushtetit, natyrshëm që do të sillte këto rezultate.
Vetëm lufta e hapur dhe pa kompromis kundër korrupsionit parandalon falimentimin e Shqipërisë dhe rikthen shpresën tek qytetarët, që në masë po detyrohen të braktisin Atdheun.
Çlirimi i Shqipërisë nga korrupsioni dhe kapja e shtetit është sot interesi dhe prioriteti ynë kombëtar!
