Një ngjarje tragjike ka ndodhur ditën e sotme në Mallakastër.
Dy banorë të fshatit Lofkënd të Mallakastrës Bledar Bregu dhe Besnik Veliaj 38 vjeç kanë hyrë në pus për ta pastruar, por kanë rënë brenda tij, duke rrezikuar jetën. 38-vjeçari Besnik Veliaj humbi fatkeqësisht jetën, pasi ra në pusin e ujit, ndërsa i plagosur mbeti 33-vjeçari Bledar Bregu.
Bëhet me dije se ata kishin hyrë për të pastruar pusin, kur ishin bllokuar brenda, ndërsa në ndihmë të tyre ka shkuar menjëherë zjarrfikësja dhe ambulanca. Në pus ka hyrë për të shpëtuar dy burrat zjarrfikësi Albens Zotaj, i cili është lënduar dhe është dërguar në spital.
Ndërkohë që dyshohet se 33-vjeçari Bregu dhe 38-vjeçari Veliaj, i cili ndërroi jetë në spital, të jenë asfiksuar nga gazi që lëshonte pompa me të cilën po bënin shpimin e pusit. Ndërkohë, policia njofton se i lënduar ka mbetur edhe një zjarrfikës 44-vjeçar i cili i nxori dy burrat jashtë pusit. Ai bëhet e ditur se ndodhet jashtë rrezikut për jetën.
Njoftimi i policisë:
Mallakastër/Në vijim të informacionit paraprak të dhënë për ngjarjen në fshatin Lofkënd, Mallakastër, njoftohemi se në spitalin e Ballshit ka ndërruar jetë shtetasi B. V.
Shtetasi B. B. dhe shtetasi A. Z., 44 vjeç, (zjarrfikësi që nxori dy shtetasit nga pusi, i cili ndodhet jashtë rrezikut për jetën dhe po i nënshtrohet kontrollit mjekësor), u transportuan në spitalin Rajonal Fier.
