Një pako e dyshimtë është gjetur pak çaste më parë, pranë Gjykatës së Rrethit Vlorë.
Uniformat blu bëjnë me dije se në derën e një zyre avokatie është gjetur një objekt ku brenda tij dyshohet të ketë lëndë plasëse.
Zyra ndodhet pranë gjykatës dhe për këtë arsye është bërë rrethimi i gjithë zonës si dhe është vendosur një perimetër sigurie.
Për momentin nuk ka të dhëna të reja, ndërsa policia dhe forcat xheniere janë nisur drejt vendit ku dyshohet se ndodhet sasia e lëndës plasëse.
Njoftimi i policisë:
Sot rreth orës 14:14, në lagjen “Hajro Çakërri” në Vlorë, në derën e një zyre ligjore është gjetur një objekt ku brenda tij dyshohet të ketë lëndë plasëse.
Grupi hetimor po punon për sqarimin e rrethanave të ngjarjes. Priten forcat e posaçme xheniere në lidhje me vijimësinë e veprimeve.
