Një stuhi e fuqishme ka goditur Stambollin dhe pjesë të tjera të Turqisë të hënën, duke vrarë të paktën një person dhe duke shkaktuar dëme të shumta në qytetin me 15 milionë banorë.
Një grua u vdiq në lagjen Esenyurt të Stambollit, ku erëra të forta shkatërruan një pjesë të një çatie e cila ra mbi gruan dhe fëmijën e saj, njoftoi agjencia shtetërore turke Anadolu. Fëmija mbijetoi edhe ps me lëndime të ndryshme. Bashkia e Stambollit njoftoi dhe për 3 persona të tjerë të plagosur.
Në një pjesë tjetër në Stamboll, erërat rrëzuan një objekt, shkulën pemë dhe përmbysën të paktën tre kamionë, raportoi televizioni privat NTV. Të paktën 19 persona u plagosën.
Bosfori, rruga e ngushtë ujore që ndan qytetin, u mbyll për trafikun detar dhe shërbimet e trageteve u anuluan.
Të paktën gjashtë fluturime të Turkish Airlines të planifikuara për t’u ulur në Stamboll u devijuan në qytetet e tjera si në Ankara dhe Izmir, tha një zëdhënës i linjës ajrore.
Shpërthimet rrëzuan gjithashtu një kullë sahati, treguan imazhet televizive. Erërat hoqën 33 çati, shkulën 192 pemë, rrëzuan 52 semaforë dhe shenja rrugore dhe dëmtuan 12 makina, sipas bashkisë së Stambollit.
Erërat e forta gjithashtu detyruan autoritetet të anulojnë shërbimet e trageteve midis vendpushimeve bregdetare të Bodrumit dhe Datca-s, njoftoi agjencia private e lajmeve DHA.
