Barcelona ka njoftuar se Sergio Aguero nuk do të luajë për tre muaj pasi pati dhimbje në kraharor në ndeshjen kundër Alaves të shtunën. Ish-sulmuesi i Mançester Sitit, 33 vjeç, iu nënshtrua analizave kardiologjike në spital pasu u ndje keq dhe rezultoi të kishte aritmi.Aguero tani do të marrë trajtim ndërsa shëndeti i tij do të monitorohet.
“Gjatë tre muajve të ardhshëm do të vlerësohet efektiviteti i trajtimit për të përcaktuar procesin e rikuperimit të tij”, njoftoi klubi në një deklaratë.
Aguero mori trajtim për disa minuta në fushë përpara se të dërgohej në spital. Në një ‘story’ në Instagram, Aguero tha se ishte “mirë” dhe “shumë i emocionuar për t’u përballur me procesin e rikuperimit”.
Ish-sulmuesi i Manchester City po lunate vetëm ndeshjen e tij të dytë për Barcelonën pasi pësoi një dëmtim në para-sezon. Ai iu bashkua gjigantëve spanjollë në një marrëveshje dyvjeçare në verë pas një periudhe 10-vjeçare në City, gjatë së cilës ai u bë golashënuesi më i mirë i të gjitha kohërave të klubit me 260 gola në 390 ndeshje.
Duke folur para ndeshjes së Barçës në Ligën e Kampionëve kundër Dynamo Kievit të martën, trajneri kujdestar Sergi Barjuan tha: “Kam biseduar me të dhe ai është i qetë. Ai është i mbyllur në dhomën e tij, por, duke marrë parasysh situatën, ai është i qetë.”
