Ditën e djeshme kryeministri Rama në takimin me kryebashkakët e vendit i kushtoi një vëmendje të veçantë situatës së mbetjeve dhe disa zona te Shqipërisë i konisderoi më problematiket.
Nuk munguan as paralajmërimet e forta në rast se nuk merreshin masa konkrete nga drejtuesit e bashkive ne vend.
Shefi i Qeverisë iu bën thirrje kryetarëve të bashkisë në vend t’ju rrisin tarifat bizneseve që stërmbushin kazanët, që janë thjesht për konsum familjar.
“Tarifat, rritjani atyre që ndotin më shumë, jo pensionistëve dhe jo familjeve, t’jua rrisni bizneseve që ndotin më shumë! Nuk ju kushton gjë t’ju thoni që zotrote gjithë këto plehra, se kazanët nuk i stërmbushin qytetarët, por bizneset. Ata duhet të hyjnë në një tjetër metodologji, t’i lënë mbeturinat nëpër thasë në një orë të caktuar, në një pikë afër lokalit, jo nëpër kazanë! Kazanët janë për konsumin familjar, si në gjithë botën”
Ndërkohë Laçi është zgjuar mëngjesin e sotëm i mbuluar nga tymi. Mësohet se gjate orëve të natës u është vënë flaka mbeturinave ne kodrat e qytetit.
Për pasojë retë e tymit janë shpërndarë në qytet, madje dhe në disa fshatra të zonës së malësisë së Kurbinit.
Për të normalizuar situatën në vend grumbullimin e plehrave kanë mbërritur fadroma dhe zjarrfikësit e Laçit.
Siç ka ndodhur në të shkuarën, pas krizave të plehrave, janë shfaqur inceneratorët si shpëtimtarë.
