Një lokal është përfshirë nga flakët mbrëmjen e sotme në rrugën “Rinia” në Elbasan, pranë universitetit “Aleksandër Xhuvani”.
Sipas burimeve paraprake nga vendi i ngjarjes, zjarri mendohet se është shkaktuar nga një bombol gazi.
Mësohet se bombola është lokalizuar në kohë nga zjarrfikësit, të cilët bënë të mundur shuarjen e flakëve.
Mësohet se zjarri që është shkaktuar ka shkaktuar panik te qytetarët, por fatmirësisht dëmet kanë qenë vetëm materiale. Gjithashtu bëhet me dije se në vendin e ngjarjes ka mbërritur edhe policia dhe zjarrfikësja. Për këtë nuk ka ende një njoftim zyrtar nga Policia në lidhje me ngjarjen.
Po ashtu një zjarr i qëllimshëm është vënë mbrëmjen edhe në qytetin e Vlorës, në një magazinë për ruajtjen e jonxhës. Bëhet me dije se në vendin e ngjarjes kanë mbërritur në vendin e ngjarjes dhe po punojnë për shuarjen e flakëve. Mësohet se flakët janë të përmasave të mëdha të flakëve. Në vendgjarje kanë shkuar me urgjencë dy makina të zjarrfikëses së Vlorës, të cilat po punojnë për neutralizimin e flakëve. Gjithashtu bëhet me dije se forcat zjarrfikëse të cilat po punojnë për të bërë të mundur izolimin e tyre në mënyrë që të mos rrezikohen banesat të cilat ndodhen pranë godinës.
Për të dyja këto raste nuk ka ende një informacion nga Policia.
