Ish-mesfushori i Kombëtares, Migjen Basha ka bërë me dije se do të largohet nga futbolli i luajtur. Një nga heronjtë e “Euro 2016”, Basha shkruan në rrjetet sociale se me shumë dashuri e krenari mbrojti ngjyrat e vendit të tij dhe falenderoi të gjithë ata që e mirëpritën dhe e bënë të ndihen mirë.
Ai ka shprehur mirënjohjen për të gjithë, ndërsa shkruan se është koha për t’i thënë lamtumirë karrierës.
Mesazhi i plotë i Migjen Bashës:
“Ka ardhur koha për ta kthyer faqen. Unë arrita të jetoj ëndrrën time të fëmijërisë falë pasionit që më shoqëroi gjatë gjithë këtij udhëtimi, që filloi në Zvicër dhe më çoi në Itali, Greqi, Australi dhe përsëri në atë katrorë.
Gjatë rrugës, me shumë dashuri dhe krenari mbrova edhe ngjyrat e vendit tim. Dua të falënderoj këtu të gjithë ata njerëz që më mirëpritën me krahë hapur dhe më ndihmuan të ndihem rehat
Inkurajimi nga familja ime, miqtë, mbështetësit, shokët e skuadrës, anëtarët e stafit dhe madje edhe kundërshtarët! Të gjithë ata disi më dhanë forcën për të luftuar në çdo top. Faleminderit të gjithëve për atë që më keni dhënë gjatë rrugës. Është koha për t’i thënë lamtumirë karrierës sime!”
Gjatë karrierës së tij, Migjen Basha ka luajtur në disa kampionate, duke filluar nga ai italian, grek e deri tek ai australian. Ai ka qenë gjithashtu një lojtar kyç i Kombëtares së futbollit, në pjesëmarrjen historike në “Euro 2016”.
