Ministri i Shëndetisë së Maqedonisë së Veriut, Venko Filipçe ka dhënë dorëheqjen pas ngjarjes tragjike në Tetovë, ku spitali Covid u shkrumbua nga flakët.
Ai e njoftoi vendimin në një konferencë për shtyp, si përgjegjësi morale për atë që ndohinë Tetovë.
Filipçe u shpreh se ndihet shumë i prekur nga tragjedia e Tetovës dhe se e ndjen të nevojshme të japë dorëheqjen.
Kujtojmë se para dorëheqjes së Filipçes, dhanë dorëheqjen edhe zv.ministri i Shëndetësisë Ilir Hasani, dhe dy drejtorët e Spitalit Klinik të Tetovës, Florin Besimi dhe Artan Etemi.
“Edhe përkundër faktit se nuk kam asnjë lidhje me procedurat vënjes së spitalit modular, edhe pse nuk kam asnjë lidhje as me pjesën organizative, dorëheqja është akti më i vogël që mund ta bëj në këto momente, për të respektuar viktimat, të lënduarit, opinionit dhe më së shumti veten”, tha Hasani për dorëheqjen e tij.
Besimi u shpreh se pas ngjarjes tragjike, ky vendim ishte i pashmangshëm.
“Me dhimbje të pashuar për çdo viktimë dhe çdo familjarë të tyre, ju informoj se për shkak të kësaj përgjegjësie morale që e ndjej, jap dorëheqje nga pozita e drejtorit të Spitalit Klinik në Tetovë. Pas kësaj ngjarje të tillë tragjike dhe fatkeqe, ky vendim është i pashmangshëm”, u shpreh ai.
Si pasojë e zjarrit në spitalin Covid të Tetovës humbën jetën 14 persona, mes tyre mjekë e pacientë.
