Trajneri i Spanjës, Luis Enrique ka folur në konferencën për shtyp një ditë para ndesjes me Kosovën për kualifikueset e Botërorit “Katar 2020”, duke treguar respect maksimal për kundërshtarin. Ai tha se Kosova ka shumë më pak pikë nga sa meriton dhe se do ia vështirësojë ndeshjen ekipit të tij.
“Ne duhet të përpiqemi të abstraktojmë nga çdo gjë e jashtme dhe të kontrollojmë atë që mund të kontrollojmë. Është shumë e vështirë të fitojmë ndeshje dhe në ditët e fundit edhe më shumë. Do të jetë një nga ndeshjet më të komplikuara të grupit, Kosova nuk mbyllet prapa. Ata janë të guximshëm dhe kanë shumë më pak pikë sesa meritojnë. Është një ekip që do të na e ndërlikojë shumë ndeshjen”, tha Enrique.
I pyetur në lidhje me çështjet politike (duke qenë se Spanja nuk e njeh Kosovën si shtet), trajneri spanjoll pohoi se mjedisi është perfekt.
“Ne nuk kemi problem të luajmë këtu. Ne thjesht duam të shijojmë futbollin përtej çështjeve politike”, u shpreh Enrique.
Trajneri spanjoll shtoi më tej se objektivi është fitorja, në mënyrë që të dalin të parët e grupit. Spanja aktualisht ndodhet e para në grupin B me dhjetë pikë, një më shumë se Suedia e vendit të dytë. Ndërkohë Kosova, është e treta me katër pikë.
