Lojërat Olimpike që ishin planifikuar për tu zhvilluar në Tokio gjatë vitit 2020, u shtynë me një vit prej shkak të pandemisë dhe u u zhvilluan gjatë këtij viti. “Tokyo2020” u mbyll ditën e djeshme dhe menjëherë ka lënë pasoja. Për shkak të grumbullimeve të shumta, Tokio ka raportuar 2,884 raste të reja në 24 orët e fundit. Japonia shënoi shifra rekord, mbi 14 mijë raste në të gjithë vendin, duke tejkaluar 10,000 raste pozitive për të gjashtën ditë radhazi.
Qyteti i Okinawa raportoi 332 raste me Covid, ndërsa Hokkaido 310 dhe Hyogo 275 raste në 24 orët e fundit. Tokio ka shpallur gjendjen e jashtëzakonshme që nga 12 korriku, por masat kanë qenë jo efektive në parandalimin e përhapjes së variantit Delta.
Lojërat Olimpike të Tokios, të cilat u mbajtën nga 23 korriku deri ditën e djeshme, kanë ndikuar në këto rritje shifrash të infektuarish. Shumë kritikë kanë ngritur zërin për anulimin e Lojërave Olimpike, pasi rrezikoheshin shifra të mëdha të infektuarish.
Por flaka Olimpike u ndez dhe Lojërat u zhvilluan, me mijëra spektatorë në shkallët e stadiumeve. Mbetet për tu parë se si do të jetë situata me të prekurit gjatë ditëve të ardhshme në Japoni, pasi dhe me variantin Delta që po përhapet me shpejtësi, situata nuk parashikohet shumë e mirë.
