Policia e Beratit ka shpallur në kërkim një person, pasi ka plagosur me armë zjarri një të ri në Kuçovë, pas një konflikti për motive të dobëta.
Sipas njoftimit zyrtar të policisë është shpallur në kërkim shtetasi Robert Gjika, 29 vjeç, banues në lagjen “11 Shkurti”, Kuçovë, pasi në lagjen “11 Shkurti”, Kuçovë, gjatë një konflikti të çastit për motive të dobëta, ka plagosur me armë zjarri pistoletë në dorë, shtetasin Xhuljano Kapllanaj, 25 vjeç, i cili ndodhet jashtë rrezikut për jetën në spitalin Rajonal të Kuçovës. Mësohet se materialet përkatëse për këtë çështje i kanë kaluar Prokurorisë së Rrethit Gjyqësor Berat, për veprime të mëtejshme proceduriale.
Thuhet në njoftimin e Policisë së Shtetit
Plagosi me armë zjarri një shtetas, gjatë një konflikti të çastit për motive të dobëta, identifikohet dhe shpallet në kërkim autori.
Nga specialistët e Seksionit për Krimet në Komisariatin e Policisë Kuçovë u shpall në kërkim shtetasi R. Gj., 29 vjeç, banues në lagjen “11 Shkurti”, Kuçovë, pasi në lagjen “11 Shkurti”, Kuçovë, gjatë një konflikti të çastit për motive të dobëta, ka plagosur me armë zjarri pistoletë në dorë, shtetasin Xh. K., 25 vjeç, i cili ndodhet jashtë rrezikut për jetën.
Materialet i kaluan Prokurorisë së Rrethit Gjyqësor Berat, për veprime të mëtejshme.
