Vendet e Ulëta dhe Gjermania janë përfshirë prej disa ditësh nga rshje të dendura shiu që kanë shkaktuar përmbytje masive me disa dhjetra viktima dhe mijëra të zhdukur.
Lidhur me situatën ka reaguar edhe Ministria e Punëve të Jashtme, e cila njofton se nuk ka pasur asnjë shqiptar të prekur nga përmbytjet dhe nga situate e motit të keq. Ndër të tjera, Ministria bën thirrje që për çdo problem shqiptaret që ndodhen në Gjermani, Belgjikë, Holandë e Zvicës të kontaktojnë me ambasadat shqiptare.
Postimi i MPEJ:
Ministria për Evropën dhe Punët e Jashtme po ndjek me vëmendje situatën e përmbytjeve në Evropën Perëndimore, ku deri më tani janë raportuar humbje të mëdha jete në Gjermani dhe Belgjikë dhe ka pasur dëme materiale në Holandë, Luksemburg dhe Zvicër.
Ministrja për Evropën dhe Punët e Jashtme, Olta Xhaçka dhe përfaqësitë diplomatike shqiptare në këto vende janë në kontakt të vazhdueshëm me autoritetet vendase.
Deri më tani , bazuar në informacionet që përditësohen orë pas ore nuk ka asnjë raportim për shtetas shqiptarë të prekur nga situata e motit të keq.
Për të gjithë shtetasit shqiptarë që ndodhen në Gjermani, Belgjikë, Holandë dhe Zvicër lutemi të kontaktoni me ambasadat e Republikës së Shqipërisë në numrat e emergjencës si më poshtë:
Ambasada e RSH-së në Berlin: +49 174 8619587
Ambasada e RSH-së në Belgjikë: + 0032485401237
Ambasada e RSH-së në Holandë: +31616275159
Ambasada e RSH-së në Zvicër: +41774099729
