Pas një jave ku u kritikua shumë për gafën e tij e tij kundër Kroacisë, portieri spanjoll Unai Simón preku qiellin në Shën Petersburg, duke u bërë heroi i La Roja, duke ndalur dy penallti në çerekfinale kundër Zvicrës.
E gjithë kjo i dha atij çmimin për MVP të ndeshjes i cili, megjithatë, rrëfeu se ai se do t’ia jepte atë çmim Sommer, kolegut të tij rival në portë dhe se ai gjithashtu bëri një lojë të vërtetë duke ndaluar sulmet e ekipit spanjoll gjatë kohës shtesë.
Përtej kësaj, portieri i klubit Athletic donte të bënte të qartë se Spanja po jep gjithçka në këtë turne në të cilin tashmë janë dy ndeshje larg nga shpallja kampion. “Ne duhet ta fitojmë këtë Europian”, tha portieri Bask, i cili tashmë është duke pritur për një rival në Londër.
Spanja u kualifikua vetëm pas penalltive ndaj Zvicrës, duke prekur gjysmëfinalen që do të luhet në Wembley. Koha e rregullt u mbyll në barazimin 1-1, e po ashtu edhe koha shtesë. Unai Simon rezultoi heroi i penalltive, pasi i priti dy të tilla futbollistëve zvicerian. Sommer nga ana tjetër, nuk ishte më pak perfekt duke i mohuar Spanjës disa mundësi për gol në minutat e kohës shtesë.
