Në një aksident rrugor të ndodhur në aksin Elbasan-Peqin tre persona janë plagosur.
Dy automjete janë përplasur me njëri-tjetrin, ndërsa në aksident është përfshirë edhe një person që lëvizte me biçikletë.
Për pasojë – thotë policia në një njoftim paraprak – kanë mbetur të dëmtuar tre persona të cilët janë transportuar për ndihmë mjekësore në Spitalin e Elbasanit.
“Grupi hetimor ndodhet në vendngjarje dhe po punon për zbardhjen e shkakut të aksidentit”, thotë policia.
