Mbështetësit e Anglisë dhe Ukrainës nuk do të lejohen të udhëtojnë nga vendet e tyre në Itali për të shtunën në çerekfinalen e Euro 2020 mes dy palëve.
Shoqata e Futbollit u ka shkruar anëtarëve të Klubit të Tifozëve të Udhëtimit të Anglisë për të thënë se asnjë biletë nuk do t’u shitet atyre për këtë ndeshje, për shkak të kufizimeve të vendosura në Mbretërinë e Bashkuar dhe Itali për të kufizuar përhapjen e COVID-19. Në vend të kësaj shpresohet se Ambasada Britanike në Romë mund të jetë në gjendje të ndihmojë emigrantët të sigurojnë bileta për të mbështetur Anglinë.
Tifozët e Ukrainës nuk do të lejohen të fluturojnë në Romë as për ndeshjen, me udhëtimet jo-thelbësore nga Ukraina në Itali që nuk lejohen aktualisht. Anglia dhe Ukraina do të luajnë në Stadio Olimpico të Romës më 3 korrik.
Pse tifozët anglezë nuk mund të udhëtojnë?
Udhëtarët nga Anglia duhet të vetë-izolohen për pesë ditë pas mbërritjes në Itali. Ata gjithashtu duhet të testohen negativisht për COVID-19 në daljen e tyre nga izolimi.
Kjo do të thotë që çdo tifoz i Anglisë që dëshiron të udhëtojë në Romë për ndeshjen do të duhet të ketë mbërritur të hënën në mënyrë që të jetë gati për të shtunën. Që do të thotë se ata duhet të kishin mbërritur qe para ndeshjes me Gjermaninë.
Po tifozët e Ukrainës?
Kufizimet janë edhe më të forta për tifozët nga Ukraina. Udhëtimet jo-thelbësore nga Ukraina në Itali nuk lejohen aktualisht kështu që tifozët ukrainas as nuk mund të udhëtojnë drejt Italisë.
