Faza e grupeve të Euro 2020 u përmbyll dje, ndërsa spektakli i vërtetë do të fillojë me fazën e eliminimit direkt. Janë 16 ekipe që kanë siguruar kalimin në fazën e mëtejshme. Grupi F, i quajtur edhe grupi i ferrit, nxorri edhe “peshat e rënda” me Gjermaninë, Francën e Portugalinë të treja të kualifikuara. Franca u rendit e para, e ndjekur nga Gjermania dhe Portugalia.
Në disa grupe mund të kishin ndodhur edhe surpriza, por ekipet e cilësuara favorite ia dolën të mos turpëroheshin që në fazën e parë. Hungaria për një moment vuri në dyshim kualifikimin e Gjermanisë, por çdo gjë shkoi sipas pritshmërive. Po ashtu edhe Spanja e la për në ndeshjen e fundit kualifikimin, pasi kishte barazuar dy të parat.një fitore e thellë 5-0 ndaj Sllovakisë iu dha kualifikimin të besuarve të Luis Enrique. Gjithsesi ata u renditën të dytët, pas Polonisë.
Raundi i 1/16-ave do të fillojë nga e shtuna me ndeshjen e parë midis Uellsit dhe Danimarkës.
Por sfidat e vërteta fillojnë më vonë. Kampionët në fuqi të Europës, Portugalia do të përballen me numrin 1 në renditjen e FIFA-s, Belgjikën, në atë që mund të cilësohet një finale e parakohshme. Ndeshja tjetër e zjarrtë do të jetë ajo mes Anglisë dhe Gjermanisë. Wembley do të presë rivalët e përjetshëm që do të luftojnë për një vend në 8 më të mirët.
Kalendari i ndeshjeve:
Uells-Danimarkë (E shtunë, ora 18:00)
Itali-Austri (E shtunë, ora 21:00)
Holandë-Çeki (E diel, 18:00)
Belgjikë-Holandë (E diel, 21:00)
Kroaci-Spanjë (E hënë, ora 18:00)
Francë-Zvicër (E hënë, ora 21:00)
Angli-Gjermani (E martë, ora 18:00)
Suedi-Ukrainë (E martë, 21:00)
