Vendi nuk gjen qetësi mbrëmjen e sotme, teksa një tjetër ngjarje e rëndë ka nodhur në Shkodër. Një krim në famile ka ndodhur në qytetin verilindor, ndërsa Policia njofton se në lagjen “Ndoc Mazi” është gjetur e pajetë shtetasja D.V. (Diana Vuka), 58 vjeçe. Nga hetimet e para dyshohet se ajo është vrarë me armë zjarri nga vëllai i saj, Fabian Vuka. Ky i fundit është shoqëruar në Komisariatin e Shkodrës për veprime të mëtejshme. Ende nuk janë të qarta rrethanat në të cilat ngjarja ka ndodhur, por mësohet se autori ka pasur konflikte të mëparshme me motrën e tij. Gjithashtu dyshohet se në momentin e krimit ai ka qenë në gjendje të dehur, ndërsa njihet në lagje si një person i alkoolizuar.
Njoftimi i plotë i Policisë:
Shkodër/ Informacion Paraprak
Rreth orës 22:30, në lagjen “Ndoc Mazi”, Shkodër, në banese është gjetur e pa shenja jete shtetasja D. V. 58 vjeçe.
Nga veprimet e para hetimore dyshohet se është vrarë me armë zjarri nga vellai i saj shtetasi F. V., 55 vjeç, i cili është shoqëruar në ambientet e Komisariatit të Policisë Shkodër për veprime të mëtejshme.
Grupi hetimor, nën drejtimin e Prokurorisë po vijon punën për sqarimin e plotë të rrethanave të ngjarjes
