QSUT-ja ka reaguar lidhur me ngjarjen e rëndë që ndodhi disa ditë më parë në Durrës, ku tre anëtarë të një familje nga Gjilani i Kosovës, ndërruan jetë në rrethana misterioze. Pas ekzaminimit u konstatua se dyshohet se 3 anëtarët e familjes nga Kosova janë helmuar nga konsumimi i kërpudhave. Akuzave të familjarëve lidhur me këtë çështje iu është përgjigjur QSUT.
Sipas një njoftimi të bërë publik, pas paraqitje së pacientëve me diagnozë intoksikacion nga kërpudha dhe në gjendje të rëndë, janë kryer të gjitha procedurat dhe ekzaminimet e duhura.
“Paraditen e dt. 06.05.2021 në Urgjencën e Sëmundjeve të Brendshme QSUNT, pacientët I. H mosha 78 vjec, A. H mosha 56 vjec dhe F. H mosha 47 vjec, janë paraqitur me ambulancë, me diagnozë “intoksikacion nga kërpudha. Gjëndja e pacientëve paraqitej e rëndë.
Pasi i jane kryer gjitha ekzaminimet dhe konsultat sipas protokolleve mjekesore te urgjences dhe jane hospitalizuar fillimisht ne Shërbimin e Toksikologjisë dhe pas dhe në mbrëmje për shkak se gjendja e tyre u përkeqësua u trasferuan në Shërbimin e Reanimacionit Qendor.
Pavaresisht perpjekjeve te mjekeve, ata kanë ndërruar jetë pranë ketij sherbimi : pacientja I. H dt 06.05.2021, pacienti A. H ne dt. 07.05.2021 dhe pacientja F. H ne dt. 08.05.2021.”, njofton QSUT-ja.
Kujtojmë se familjarët e tyre po akuzojnë mjekët të cilët sipas tyre kanë neglizhuar gjendjen e familjarëve. Ndërsa, po dyshojnë se vdekja e familjarëve të tyre mund të mos ketë ndodhur për shkak të konsumimit të kërpudhave.
Sipas Express, djali i viktimave në një konferencë për media ka treguar se ka biseduar me babain e tij në telefon dhe e ka kuptuar se ai nuk ka qenë në gjendje të mirë shëndetësore.
