Në festën e fitores së Partisë Socialiste, kryeministri Edi Rama ka komentuar edhe fushëtn e Partisë Demokratike duke thënë ka qenë fushata më e mirë në historinë e humbjeve të tyre. Rama tha se demokratët nuk ishin kundërshtarë të lehtë dhe kërkoi nga Basha që të pranojë humbjen me dijnitet. Kryeministri deklaroi se me apo pa Bashën si drejtues, e vetmja opozitë që ka është PD.
“Lulzim Basha dhe PD bënë fushatën më të mirë në historinë e humbjeve të tyre. Ata ishin më skuadër se të gjitha herët e tjera dhe përtej ndonjë mospajtimi tradicional, demokratët ishin kundërshtarë jo dhe aq të lehtë këtë herë. U them atyre sinqerisht se më shumë se kaq nuk bënin dot, madje bënë më shumë se mund të bënin normalisht. Ky nuk ishte viti i juventinëve por viti ekskluziv i socialistëve. Mesazhi im i sinqertë për Bashën është ky: Pranoje humbjen me dinjitet dhe me bindjen se nuk bërë dot atë që deshe por bëre sa munde. Miq, demokratë, ne jemi më të mirët, ju jeni më të mirët pas nesh. Ky është fakt dhe faktet pranohen, nuk luftohen. Nuk më takon mua të vendos se si do e mbani ju qëndrimin. Nëse do të jetë apo jo Basha ai që do ju drejtojë kjo është puna jua. Me apo me Lulzim Bashën ne e kemi të qartë që e vetmja opozitë është PD. Fitorja e madhe nuk e ndalon shtrirjen e dorës për PD. Unë dua të jem kryeministri I të gjithë shqiptarëve. Jo vetëm i socialistëve por edhe i demokratëve. Unë dua që Shqipëria të ngjitet në majën ku zoti e deshi”, tha Rama.
