Gjatë protestave masive të studentëve ditën e sotme, ministrja e Arsimit dhe Sportit Lindita Nikolla, ka folur para mediave dhe ka bërë të ditur vendimin për heqjen e tarifës duke shfuqizuar që sot VKM-në për provimet e mbartura.
Ajo u ka kërkuar gjithashtu edhe drejtuesve të universiteteve të zgjidhin problemet e tjera për të cilat studentët kanë kërkuar zgjidhje.
“Është dhe një kërkesë tjetër. Qeveria nuk bën as ulje e as ngritje të tarifave të studimit. Janë universitetet që i përcaktojnë, ndaj jeni të lutur por patjetër dhe të monitoruar nga MAS që ju të shteroni mes studentëve dhe pedagogëve një debat që sa mundësi ka të realizohet. Sot buxheti i shtetit mundëson mbi 75 të kostos reale të studimit.
Në UT mbulon mbi 85% të kostos. Është një debat që do i shkojmë në fund, faleminderit studentëve që shërbyen si nxitës. Qeveria do të heqë dorë nga tarifimi i provimeve të bartura. VKM shfuqizohet që sot”, tha Nikolla.
(Balkanweb)
