Situata e krijuar në vendin tonë nuk është aspak ajo e një vendi të qetë, pasi skandalet ku përfshihen figura të larta të politikës, ku zbulohen tenderë korruptiv dhe protesta nga grupe të ndryshme interesi, po shfaqin vetëm pesimizëm dhe mërzitje.
Këtë mendim ndan edhe analisti, pedagogu dhe drejtuesi i Departamentit të Gazetarisë, Mark Marku.
I ftuar në “Opinion, Marku ka thënë se nuk sheh një skenar të mirë të mënyrës sesi janë duke u zhvilluar situatat në vendin tonë.
“Edi Rama po e çon Shqipërinë drejt një konflikti civil mendoj unë. Në qoftë se do vazhdojë kështu, nuk di a do ndodhë në protestën e opozitës a do ndodhë pas dy javësh apo pas një muaji apo pas një viti, por nëse do vazhdojë kështu ne do shkojmë drejt dhunës dhe konfliktit civil. Sepse nëse ti u heq të drejtën qytetarëve të ndryshojnë qeverinë përmes votës me çfarë do ta ndryshojnë”, tha Marku duke përmendur si problematikë shitjen e votave.
“Me aq sa e shoh unë situatën, jam një njeri që mendoj që demokracia duhet ruajtur me çdo formë edhe me dhunë. Është më mirë demokraci me dhunë, se sa diktaturë në heshtje”, tha Marku
