Presidenti Ilir Meta ka përkujtuar protestën antikomuniste të vitit 1990 në Kavajë. Meta shkruan në një postim në Facebook se kjo ishte epara protest kur të rinjtë e Kavajës marshuan rrugëve me thirrjet për liri e anti diktaturës. Më tej presidenti thotë se kryengritja antikomuniste e Kavajës është një mesazh i gjallë për rininë shqiptare që sot përballet me te keqen që ka marrë peng të ardhmen europiane të Shqipërisë. Meta shkruan se protesta është zemra e demokracisë pë rata që nesër nuk duan të zgjohen në diktaturë.
Postimi i plotë:
“Si në çdo 26 mars, përkujtojmë sot protestën e parë më të fuqishme antikomuniste në Shqipëri, pas dekadash terrori, shtypje dhe izolimi. E para protestë, kur të rinjtë e Kavajës, marshuan rrugëve të qytetit me thirrjet “Lironi shokët tanë”, “Poshtë Diktatura”, “Liri-Demokraci”. Kryengritja antikomuniste e Kavajës është një mesazh i gjallë për rininë shqiptare, që sot përballet me të keqen, që ka marrë peng të ardhmen europiane të Shqipërisë. Protesta është zemra e demokracisë për ata që nesër nuk duan të zgjohen në diktaturë! ”
26 marsi i vitit 1990 shënon protestën e parë antikomuniste në Shqipëri, gjatë së cilës u arrestuan shumë të rinj dhe iu hap rrugë zhvillimeve të reja në vend.
