Ditën e sotme Rishi Sunak ka marrë zyrtarisht drejtimin e Britanisë së Madhe pasi Penny Mordaunt ndoqi Boris Johnson, duke u larguar nga gara për lidershipin brenda partisë konservatore.
Sunak është emëruar kryetari i ri i konservatorëve dhe rrjedhimisht dhe kryeministër i ardhshëm, pasi rivalja e tij e vetme, Penny Mourdant me anë të një postimi në Twitter hoqi dorë zyrtarisht nga gara.
Njoftimet i bëri kryetari i konservatorit “Komiteti 1922”.
Pati brohoritje të forta dhe goditje në tavolina nga deputetët konservatorë në dhomë, ndërsa Sir Graham Brady njoftoi se kishin marrë vetëm një nominim për liderin e ri të partisë. Prandaj ai deklaroi Rishi Sunak si kreun e ardhshëm të partisë dhe tha se do t’u drejtohej deputetëve konservatorë së shpejti.
Në orët e ardhshme zoti Sunak do të ketë një takim me Mbretin Charles III për të marrë zyrtarisht mandatin për formimin e qeverisë. Në të njëjtën kohë ai bëhet kryeministri më i ri dhe i parë me ngjyrë në Downing Street.
Kujtojmë se Liz Truss dha dorëheqjen si kryeministre vetëm pas vetëm 45 ditësh në detyrë. Truss do të mbahet mend si kryeministrja me mandatin më të shkurtër në historinë e Mbretërisë së Bashkuar.
Ajo ka qenë nën presionin e deputetëve konservatorë për të dhënë dorëheqjen, pas dorëheqjes së Suella Braverman si sekretare e Brendshme dhe pas krizës që pësoi qeveria e saj.
