Zv. Kryeministri kosovar: Nëse SHBA kthen marrëdhëniet në 0, jap dorëheqjen

Google+ Pinterest LinkedIn Tumblr +

Debati për vendosjen e taksës ndaj Serbisë vazhdon ende dhe mesa duket zv. Kryeministri Enver Hoxhaj ka përgjigjen gati për partnerët e koalicionit, të cilët janë duke kërcënuar me rrëzimin e qeverisë.

Hoxhaj nga studio e emisionit “Debat Plus” ka thënë se partnerët e koalicionit kanë vendosur taksën bashkë dhe bashkë mund ta pezullojnë.

Sipas Hoxhajt nëse ka një temë që mban bashkë këtë koalicion qeveritar ajo është tema e dialogut.

Mirëpo, sipas tij, një marrëveshje e tillë për t’u ratifikuar në Kuvendin e Kosovës duhen së paku 80 vota dhe këtu duhet edhe mbështetja e LDK-së, pasi vota e Vetëvendosjes “është e kontrolluar”.

“Ne si PDK e kemi një vetëdije shtetërore. E kemi pritur shumë gjatë Isa Mustafën derisa e kemi kryer demarkacionin”, tha ai, përcjell Telegrafi.

Zëvendëskryetari i PDK-së ka thënë se ka ende hapësirë për t’u arritur një marrëveshje me Haradinajn.

“Përvoja e jonë e deritanishme tregon se nëse dikush është në kundërshtim me pritjet që ka vendi ne si PDK do të marrim vendim”.

Më tej është shprehur se është i gatshëm të japë dorëheqjen nëse raportet me SHBA-në vendosen në pikën zero.

“Ne nuk mundem në pafundësi që të krijojmë një situatë që të tjerët të na presin. Kam frikë se nëse bashkimi Evropian ka kushtëzuar të ardhmen e Serbisë përmes Kosovës, kjo nuk do të ndodhë në pafundësi”, tha ndër të tjera Enver Hoxhaj.

Shpërndaje
Share.

Komento