Struktura e Posaçme kundër Korrupsionit dhe Krimit të Organizuar propozuar emrin e Aida Hajnaj, si kyretare e Byrosë Kombëtare të Hetimit. Mësohet se SPAK ka çuar në Këshillin e Lartë të Prokurorisë emrin Aida Hajnaj, e cila aktualisht është zv/drejtore në Policinë e Shtetit dhe është e vetmja që i ka plotësuar kriteret për të marrë këtë post.
Kujtojmë se kandidatët e tjerë për kreun e “FBI-së” shqiptare kanë qenë Artur Beu, Ervin Hodaj dhe Idajet Faskaj, por që nuk i kanë plotësuar kriteret.
Ndërkohë para pak ditësh nënkryetari i Partisë Demokratike, Edi Paloka në një konferencë për shtyp tha se fituesi BKH-së ishte i parashikuar dhe ishte emri i Aida Hajnaj.
Ky proces ka qenë i monitoruar nga amerikanët dhe partnerët europianë. Për herë të parë kreu i BKH-së do të jetë i ngjashëm me FBI për hetimin e krimeve, gjurmimin e parave dhe të paprekshmeve. BKH është plotësim i SPAK-ut dhe oficerët do të koordinojnë çdo hetim.
Byroja Kombëtare e Hetimit do të jetë struktura mbështetëse e Prokurorisë së Posaçme Antikorrupsion, që do të hetojë korrupsionin në nivelet më të larta të zyrtarëve, por dhe veprat që janë kryer nga grupet e strukturuara kriminale.
Kjo strukturë do të përbëhet nga një drejtor dhe një ekip oficerësh të policisë gjyqësore.
