Zhduken dy vajzat e mitura në Tiranë, policia vazhdon kërkime, nuk ka asnjë të dhënë

Që prej ditës së djeshme një familje nga Tirana është duke kaluar një periudhë shumë të vështirë, pasi dy vajzat e mitura të tyre rezultojnë të zhdukura që prej pasdites së djeshme.

Familja ka bërë denoncim pranë komisariatit të policisë për zhdukjen e dy vajzave 13-vjeçare, ku kjo e fundit ka nisur menjëherë kërkimin për gjetjen e tyre.

“Kemi bërë kontrolle në shumë ambiente në Tiranë dhe po punojmë për gjetjen e vajzave”- shprehet policia, por pa dhenë njoftim zyrtar për zhdukjen e tyre.

Familja ka dhënë deklaratën e saj dhe ende asnjë e dhënë nuk është bërë publike.