Zgjedhjet e 25 prillit/ Regjistrohen në KQZ 9 parti dhe dy komitete nismëtare (Emrat)

Google+ Pinterest LinkedIn Tumblr +

Komisioni Qendror i Zgjedhjeve ka regjistruar 9 pasrti politike për zgjedhjet e 25 prillit dhe 2 komitete nismëtare. Ndër partitë e regjistruara bëjnë pjesë edhe  Partia Fryma e Re Demokratike dhe Aleanca Kuq e Zi. Ndërkohë, janë regjistruar komitetet nismëtare për kandidatin e Lëvizjes Vetvëvendosje në Gjirokastër, Kreshnik Merxhani, dhe për kandidatin Bledar Dika në qarkun e Tiranës. Ndërkohë, pas shqyrtimit të dokumentave nuk janë regjistruar për zgjedhje Partia  Centristee  Mirëqenies Popullore Shqiptare, partia e Punës së Shqipërisë, partia për Mbrojtjen e të Drejtave të Punëtorve të Shqipërisë

Njoftimi i plotë i KQZ-së:

Regjistrohen si subjekte zgjedhore edhe 9 parti politike dhe 2 komitete nismëtare.

Komisioneri Shtetëror i Zgjedhjeve zhvilloi seancë publike në mbështetje të paragrafit 2 nenit 19, dhe shkonjës “n”, paragrafi 1, të nenit 19, të ligjit nr. 10019, datë 29.12.2008 “Kodi Zgjedhor i Republikës së Shqipërisë” të ndryshuar, për shqyrtimin dhe miratimin e akteve në kompetencë të tij.
Komisioneri shqyrtoi projektvendimet për kërkesat për regjistrim si subjekte zgjedhore për zgjedhjet për Kuvend të datës 25 prill 2021, të 13 partive politike dhe 2 komiteteteve nismëtare.
Pas shqyrtimit të dokumentacionit, Komisioneri vendosi të regjistrojë si subjekte zgjedhore 9 parti politike dhe 2 komitete nismëtare:

  1. Partia Shqiptare Atdheu;
    2. Partia Pajtimit Kombëtar;
    3. Partia Ligj dhe Drejtësi;
  2. Partia Fryma e Re Demokratike;
    5. Partia Qytetare Shqiptare;
    6. Partia Uniteti Kombëtar;
    7. Partia Aleanca Kuq e Zi;
    8. Partia për Mbrojtjen e të Drejtave të Emigrantëve;
    9. Partia Aleanca Popullore;

Komitetin nismëtar që do të organizojë punën për paraqitjen e z. Kreshnik Merxhani si kandidat i propozuar nga zgjedhësit në zonën zgjedhore qarku Gjirokastër.;
Komitetin nismëtar që do të organizojë punën për paraqitjen e z. Bledar Dika si kandidat i propozuar nga zgjedhësit në zonën zgjedhore qarku Tiranë.

Komisioneri pas shqyrtimit të dokumentacionit vendosi të mos regjistrojë si subjekte zgjedhore partinë Centriste Mirëqenies Popullore Shqiptare, partinë e Punës së Shqipërisë, partinë për Mbrojtjen e të Drejtave të Punëtorve të Shqipërisë si dhe mos pranimin e kërkesës së z. Xhavit Zhuzhi për regjistrimin si subjekt zgjedhor të Partisë Emigracioni Shqiptar.
Gjithashtu, vendosi akreditimin e 18 vëzhguesve afatgjatë të Komitetit Shqiptar të Helsinkit, për vëzhgimin e zgjedhjeve të datës 25 prill 2021.
Shqyrtimi i projektvendimit “Për caktimin e Zonës së Administrimit Zgjedhor, nr. 38, në bashkinë e Tiranës, si njësinë administrative për zbatimin e projektit pilot për procesin e votimit dhe numërimit elektronik të votave” u shty për në mbledhjen e ardhshme.

 

Shpërndaje
Share.

Komento