Komisioni Qendror i Zgjedhjeve e ka shtyrë për nesër vendimmarrjen në lidhje me miratimin e fletës së votimit për zgjedhjet e 25 prillit. Kreu i këtij institucioni, Ilirian Celibashi ka tërhequr aktin e tij dhe ka thënë se do të sjellë një propozim konkret të përmbajtjes së fletës së votimit Brenda 24 orëve të ardshme.
Gjatë debateve të ditës së sotme nuk pati konsesus për s ai përket modelit që do të përdoret për fletën e votimit, ndërsa Celibashit iu kërkua që të merrte kompetencat për të bërë propozimin edhe pse kishte sjellë 3 variante të fletës së votimit.
‘’E risqaroj, që aktin që kam paraqitur po e tërheq për ta sjellë me një propozim konkret me përmbajtjen e fletës së votimit. Nuk i përjashton gjithë variantet dhe opsionet që Komisioneri veçmas apo me të tjerë që ka bërë për përmbajtjen. Për ta riparaqitur në këtë mënyrë, do t’iu japë kohë edhe për të bërë diskutimin e kompetencës. Dhe të kërkoni që ky akt, një paraqitje jo më vonë se në 24 orë të vendosni dhe në mënyrë përfundimtare. ‘’- tha Celibashi.
Ka qenë përfaqësuesi i PS, Eridian Salianji ai që ka kërkuar fillimisht ndërprerjene mbledhjes së sotme duke thënë se fleta e votimit është kompetencë e Celibashit dhe jo e Komisionit Rregullator.
