Operacioni “Red Light 3”, i zhvilluar nga Seksioni për Hetimin e Trafiqeve të Paligjshme dhe Prokuroria e Tiranës, ka çuar në ndalimin e dy personave, A. W. (45 vjeçe) dhe Zh. Y. (30 vjeç), për trafikun dhe shfrytëzimin e prostitucionit, si dhe mbajtjen e lokaleve për prostitucion.
Po ashtu, janë proceduar pesë shtetase kineze për prostitucion dhe një person tjetër, G. L. (62 vjeç), për moskallëzim krimi.
Hetimet zbuluan se dy të arrestuarit kishin sjellë shtetaset kineze në Shqipëri me premtimin e punësimit në qendra masazhesh, por më pas i shfrytëzuan për prostitucion në apartamente të marra me qira, duke i reklamuar në faqe online dhe menaxhuar klientët.
Policia falënderoi emisionin investigativ “STOP” për bashkëpunimin dhe inkurajoi denoncimin e rasteve të tjera të paligjshmërisë.
