Gjykata e Posaçme e Apelit ka caktuar datën 11 mars për shqyrtimin e ankimit të kryebashkiakut të Tiranës, Erion Veliaj, kundër masës së sigurimit “arrest me burg”.
Seanca do të zhvillohet në orën 10:00 dhe do të drejtohet nga gjyqtari Engert Pellumbi.
Veliaj u arrestua më 10 shkurt me urdhër të SPAK, nën akuzat për shpërdorim detyre, korrupsion, mosdeklarim të pasurisë dhe pastrim parash. Ai ka mohuar akuzat, duke i cilësuar të pabazuara dhe me motive politike.
Sipas, SPAK Veliaj, së bashku me bashkëshorten e tij, Ajola Xoxa e cila ndodhet nën masën e sigurisë “detyrim paraqitjeje” ka krijuar një skemë për përfitime të paligjshme nga fondet publike të Bashkisë së Tiranës, duke i përdorur ato për pasurim personal nëpërmjet veprimeve të kamufluara dhe të kundërligjshme.
