Ditën e sotme është rikthyer në vëmendje çështja e 30-vjeçares Ersida Dyrmishi e cila ishte zhdukur pa gjurmë nga banesa duke detyruar të shoqin që të denonconte zhdukjen e saj në Polici.
Burri i saj publikoi foton e të shoqes dhe kërkonte informacione për të.
Mirëpo e reja u gjet në një hotel..dhe akuzoi të riun Marjus Musaku se e kishte marrë peng nën kërcënimin e armës, madje dhe e kishte përdhunuar për 9 ditë. Që prej asaj dite Marjus Musaku ndodhet në burg dhe rrezikon 10 deri në 25 vite burg.
Nga ana tjetër Marjus Musaku ditë më parë u shpreh se është i pafajshëm dhe çdo gjë ka ndodhur me dëshirë, por kjo deklaratë nuk u besua nga askush, për vetë faktin se gjithmonë meshkujt kryqëzohen në lidhje me gratë dhe paguajnë për të me apo pa të drejtë.
Ndërkohë sot ka dalë ekspertiza dhe avokatja e Marjus Musakut e ftuar në “Shqipëria Live” u shpreh se janë në fazë hetimi dhe se kanë bërë kërkesë për ndryshim të masës së sigurisë, por është hedhur poshtë nga gjykata. Por kjo do të ndryshojë pasi sipas ekspertizës Ersida Dyrmishi nuk është përdhunuar, gjithashtu ka dalë se nuk kanë konsumuar drogë, dhe se çdo akuzë e ngritur nga 30-vjeçarja ka qenë e rremë.
Edhe pse ditë më parë kur lajmi mori bujë, dolën mesazhet e Ersidës dhe dukej që vajza donte vetë, sërish nuk u besua dhe faji kaloi te Marjus Musaku i cili në këtë çështje ishte i pafajshëm. Me daljen e ekspertizës pretendohet të ketë ndryshim mase ndaj Marjus Musakut, dhe një kallëzim ndaj Ersidës për kauzën “kallëzim të rremë”, tha avokatja e Marjus Musakut.
Prandaj nuk duhet të nxitojmë në gjykim, sidomos pa dëgjuar të dyja palët dhe pa parë provat. Nuk duhet të kryqëzojmë gjithmonë meshkujt pa marrë parasysh se me çfarë kemi të bëjmë në të vërtetë.
“Kemi çuar të gjitha provat dhe janë pranuar. Madje janë këqyrur edhe bisedat telefonike dhe janë gjetur fotot intime.
Ersida pretendon se është ushtruar dhunë, janë droguar dhe është përdhunuar. Por sipas ekspertizës, Ersida nuk është përdhunuar, gjithashtu ka dalë se nuk kanë konsumuar drogë”, tha avokatja e Marjus Musakut.
