Ka përfunduar mbledhja e grupit parlamentar në Partinë Demokratike e cila ka nisur që në orën 12:30. Në një deklaratë pas përfundimit të mbledhjes Enkeled Alibeaj ka treguar edhe çfarë kanë folur. Ai tha s e kanë diskutuar strategjinë e opozitës në Parlament dhe se më vonë do të detajojnë punën në komisione. Gjithashtu Alibeaj është shprehur se armiku i vetëm i shqiptarëve është Edi Rama.
“Diskutuam strategjinë e opozitës në Parlament. Më vonë do të detajojmë punën në komisione. Armiku i vetëm i shqiptarëve është Edi Rama”, deklaroi Enkelejd Alibeaj në dalje të selisë blu.
Më tej në lidhje me ndryshimet kushtetuese në vend dhe në lidhje me procesin e Vettingut, Alibeaj është shprehur se opozita do të bëjë gjithçka të larguar Edi Ramën.
“Me Ramën do luftojmë të gjithë me të gjitha strategjitë dhe me çdo mjet tjetër për ta larguar”, tha Alibeaj.
Po ashtu mësohet se në këtë mbledhje ka pasur debate të forta mes Flamur Nokës dhe Lulzim Bashës, në lidhje me vendimin që ky i fundit mori për të përjashtuar nga grupi parlamentar i PD-së, ish-kryeministrin Sali Berisha.
Kujtojmë se përjashtimi i Berishës nga grupi i PD-së ka sjell edhe debate të forta politike, brenda selisë blu. Po ashtu sjellim në vëmendje se Berisha ka nisur një tur takimesh me demokratët në të gjithë vendin, ku kërkon që nëpërmjet referendumit të përcaktohet kryetari i ri i PD-së.
