Ish-operatorë të ‘Alfa Solutions’, kompanisë shqiptare që ofron shërbime call center-i iu ka ndërprerë kontratën punonjësve të saj teksa refuzon t’i paguajë për punën që kanë bërë.
Bëhet e ditur se shkaktare për këtë gjendje është prishja e marrëdhënieve të kompanisë me palën e tretë, Wizz Air-in në këtë rast.
‘Kompania thotë që ka pasur një rrjedhje informacioni, një vjedhje dhe nuk kemi një informacion të saktë. Nuk është shpjeguar çfarë lloj vjedhje është bërë. Na thonë që do ju paguajmë, por kemi një proces gjyqësor me ta. Ne jemi hallexhinj, studentë, kemi probleme, qira dhe nuk mund të presim një gjyq që mund të zgjasë muaj, ose vite….’, shprehet një nga punonëjsit.
Theksojmë se në kontratën e lidhur midis punonjësëve dhe kompanisë nuk evidentohet në asnjë resht, se në rast problemesh mes dy kompanive ata nuk do të paguhen. Përballë këtyre fakteve mund të themi se këmi të bëjmë me një ‘tekë; të pronarit për të mos paguar punonjësit e tij.
‘Mua më kanë mbetur 650 euro vetëm për gushtin, por nuk kemi marrë ende një dokument që marrëdhënia është ndërprerë dhe kështu kemi edhe shtatorin. Mua më kanë mbetur rreth 600 euro. Detyrimi është 700. Mua 580 euro. Mua 800 euro. Janë rreth 600 euro, por nuk mund të na flakin në rrugë kështu si një leckë, se nuk është korrekte. Mua 600 euro. Diku te 650 euro’, shprehet një punonjës tjetër.
Përveç detyrimeve, vete largimi nga puna e 54 personave brenda një dite, është sa e pamoralshme, aq edhe ne shkelje me dy këmbë të kodit të punës.
