Presidenti serb Aleksandër Vuçiç ka bërë me dije se është takuar me kryeministrin e Kosovës, Albin Kurti gjatë samitit të BE-së me vendet e Ballkanit Perëndimor në Slloveni.
Media serbe “Blic” raporton se në takim ndër të tjera është diskutuar për diplomat e njohjen e profesioneve dhe të pranishëm kanë qenë edhe Macron e Angela Merkel.
“Biseduam për diplomat, njohjen e profesioneve, procesi i harmonizimit do të vazhdojë. Kjo përfundimisht do të kontribuonte në lirinë më të mirë të lëvizjes. Nuk është i llojit të statusit dhe shpresoj se ne do të jemi në gjendje t’i zgjidhim këto çështje, kurse në thelb të jenë çështjet e rëndësishme per të ardhmen”, ka thënë Vuçiç.
Presidenti serb është shprehur i gatshëm për dialog, por me kushtin që tema e parë të jetë Asosacioni i Komunave Serbe siç është nënshkruar në deklaratën e BE. Vuçiç tha se Serbia është gatshme të respektojë marrëveshjen e Uashingtonit, por Prishtina nuk e konsideron më të vlefshëm atë dokument.
“Ne jemi gati për të vënë gjithçka në veprim. Ekziston vetëm një pikë që është e ndryshme nga marrëveshja që nënshkroi Prishtina, dhe ka të bëjë me marrëdhëniet me Tel Avivin ose Jeruzalemin. Ne jemi plotësisht të gatshëm të respektojmë gjithçka tjetër, përveç se Prishtina tha se marrëveshja e Uashingtonit nuk është më e vlefshme për ta”, është shprehur Vuçiç.
