Zëdhënësi i Presidencës ka reaguar pas deklaratave të presidentit serb, Aleksandër Vuçiç që doli në mbështetje të Edi Ramës. Tedi Blushi shkruan se Rama është kukull e Vuçiç dhe pas 25 prillit marrëdhëniet e Shqipërisë me Serbinë do jenë konstruktive dhe mbi bazë respekti të ndërsjellë.
Reagimi i Blushit:
Më 25 prill 2021, Ndryshimi fiton mbi dy të tretat sipas të gjitha sondazheve të besueshme, që ka Presidenti i Republikës, Sh.T.Z Ilir Meta.
Se kukull e kujt është Rama kjo dihet, ndaj më 25 prill ai do të marrë gjykimin e popullit të Shqipërisë.
Marrëdhëniet midis Shqipërisë dhe Serbisë do të jenë konstruktive dhe mbi baza respekti të ndërsjellë pas 25 prillit 2021.
Përmes Referendumit të 25 prillit dhe Triumfit të Ndryshimit, shqiptarët heqin bllokuesin e çeljes së negociatave me Bashkimin Europian.
Anëtarësimi në BE është i vetmi projekt, që kemi.
Vuçiç foli më herët me gjuhën e Ramës duke thënë se pas kreut të PD qëndron Sali berisha dhe se është i lumtur se po bëhet pengesë për projektin e PD për Shqipërinë e Madhe.
“Pas Lulzim Bashës qëndron Sali Berisha dhe ju e dini, e gjithë historia pas saj, nga veriu i Shqipërisë, me gjithë barrën e së kaluarës, por kjo është çështje e tyre. Dhe sigurisht që unë jam krenar që jam pengesa e tyre më e madhe sepse ata flasin hapur për krijimin e Shqipërisë së Madhe. Dhe ata flasin hapur për këtë gjë dhe askush nuk reagon.Unë nuk mund të pajtohem me bashkimin e Kosovës dhe Shqipërisë”, deklaroi Vuçiç.
