Prokuroria e Tiranës ka kërkuar 19 vite burg për Esat Canin, i cili vrau një vit më parë të dashurin e motrës, Arben Gjeçin, në Zall-Bastar.
Ndërsa për Elida Canin dhe Dëfrim Kurtin, organi i akuzës kërkoi 3 vite burg, për shkak të veprimeve të tyre që penguan zbardhjen e ngjarjes.
Vendimi i gjykatës pritet të jepet më 25 shkurt, ku mbrojtja do të lexojë konkluzionet përfundimtare.
Sipas dosjes hetimore, Cani e ka vrarë Gjeçin për çështje nderi, pasi e gjeti së bashku me motrën e tij në kasollen e shtëpisë.
Autori dyshonte se motra e tij kishte një lidhje jashtë martesore dhe për këtë arsye e kishte ndjekur.
Ditën kur ndodhi krimi, Gjeçi ndodhej me bashkëshortin e Elidës në lokal, ndërsa më pas u çua dhe shkoi tek kasollja, ku gjeti edhe vdekjen.
Bazuar në hetimet e prokurorisë, Kurti dhe Elida Cani, kanë vepruar së bashku për të fshehur trupin dhe mbuluar gjurmët.
Pasi Cani kishte qëlluar me shufër hekuri Kurtin, bashkëshorti i Elidës, e mori dhe e nxorri në një kanal në rrugë dhe më pas lajmëroi të afërmit e tij, duke i thënë se e kishte gjetur të vdekur.
