Policia e Vlorës ka arrestuar ditën e sotme një person me rrezikshmëri të lartë shoqërore.
Bëhet fjalë për 38-vjeçarin, Tesilvan Basho.
Ky i fundit tentoi të largohej, por u neutralizua nga efektivët.
Ai u arrestua në një sallë bilardoje.
Gjykata e Torinos e ka dënuar Bashon në 2016-ën me burgim të përjetshëm për veprat penale “Vrasje”, “Shfrytëzim prostitucioni” dhe “Mbajtje dhe transportim pa leje i armëve të zjarrit”.
Basho ka vrarë më 24 janar të 2008-ës me armë zjarri dy shtetase që ushtronin prostitucion në Torino, ku njëra prej tyre ishte nën tutelën e tij.
Ai gjithashtu është arratisur në 2016-ën nga burgu i Rebibbos në Itali.
Ndaj tij rëndonte edhe një masë sigurie “Arrest me burg”, e vendosur nga Gjykata e Vlorës, për “Armëmbëjtje pa leje” dhe “Prodhim e shitje narkotikësh”.
Njëkohësisht është arrestuar edhe vëllai i tij, Satilno Basho, për veprën penale, “Shtrëngim me anë të dhunës për dhënie pasurie”.
Në cilësinë e provës materiale janë sekuestruar 4 kallashnikovë, 6 krehëra me fishekë, një armë zjarri pistoletë me dy krehëra, kallëp me lëndë eksplozive, jelek antiplumb, pajisje elektrike që shërbejnë për kultivimin e lëndës narkotike, 10 kg kanabis, 5 radio marrëse policie, 900 euro dhe dokumenta të ndryshëm.
